2015 جىلعى 28 ءساۋىر, استانا قالاسى
«وقۋلىقتاردى, وقۋ-ادىستەمەلىك كەشەندەرى مەن وقۋ-ادىستەمەلىك قۇرالدارىن ازىرلەۋ, ولارعا ساراپتاما, سىناق وتكىزۋ جانە مونيتورينگ جۇرگىزۋ, ولاردى باسىپ شىعارۋ جونىندەگى جۇمىستى ۇيىمداستىرۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2012 جىلعى 24 شىلدەدەگى № 344 بۇيرىعىنا وزگەرىس ەنگىزۋ تۋرالى
«ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-بابى 27) تارماقشاسىنا سايكەس بۇيىرامىن:
1. «وقۋلىقتاردى, وقۋ-ادىستەمەلىك كەشەندەرى مەن وقۋ-ادىستەمەلىك قۇرالدارىن ازىرلەۋ, ولارعا ساراپتاما, سىناق وتكىزۋ جانە مونيتورينگ جۇرگىزۋ, ولاردى باسىپ شىعارۋ جونىندەگى جۇمىستى ۇيىمداستىرۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2012 جىلعى 24 شىلدەدەگى № 344 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7876 بولىپ تىركەلگەن, «ەگەمەن قازاقستان» گازەتىنىڭ 2012 جىلعى 19 قىركۇيەكتەگى № 609-614 (27687) سانىندا جاريالانعان) مىناداي وزگەرىس ەنگىزىلسىن:
وسى بۇيرىقپەن بەكىتىلگەن وقۋلىقتاردى, وقۋ-ادىستەمەلىك كەشەندەرى مەن وقۋ-ادىستەمەلىك قۇرالدارىن ازىرلەۋ, ولارعا ساراپتاما, سىناق وتكىزۋ جانە مونيتورينگ جۇرگىزۋ, ولاردى باسىپ شىعارۋ جونىندەگى جۇمىستى ۇيىمداستىرۋ قاعيدالارى وسى بۇيرىققا قوسىمشاعا سايكەس مىناداي جاڭا رەداكتسيادا جازىلسىن.
2. قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتى (س.ن. نيۋسۋپوۆ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەن سوڭ رەسمي جاريالاۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم ۆيتسە-ءمينيسترى ە.ن. يمانعاليەۆقا جۇكتەلسىن.
4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ءبىلىم جانە عىلىم ءمينيسترى ا.ءسارىنجىپوۆ
قازاقستان رەسپۋبليكاسى ءبىلىم جانە عىلىم ءمينيسترىنىڭ
2015 جىلعى 28 ساۋىردەگى № 263 بۇيرىعىنا قوسىمشا
قازاقستان رەسپۋبليكاسى ءبىلىم جانە عىلىم ءمينيسترىنىڭ
2012 جىلعى 24 شىلدەدەگى № 344 بۇيرىعىمەن بەكىتىلدى
وقۋلىقتاردى, وقۋ-ادiستەمەلiك كەشەندەرى مەن وقۋ-ادiستەمەلiك قۇرالدارىن ازiرلەۋ,
ولارعا ساراپتاما, سىناق وتكىزۋ جانە مونيتورينگ جۇرگىزۋ, ولاردى باسىپ شىعارۋ جونiندەگi جۇمىستى ۇيىمداستىرۋ قاعيدالارى
1. جالپى ەرەجەلەر
1. وسى وقۋلىقتاردى, وقۋ-ادiستەمەلiك كەشەندەرى مەن وقۋ-ادiستەمەلiك قۇرالدارىن ازiرلەۋ, ولارعا ساراپتاما, سىناق وتكىزۋ جانە مونيتورينگ جۇرگىزۋ, ولاردى باسىپ شىعارۋ جونiندەگi جۇمىستى ۇيىمداستىرۋ قاعيدالارى (بۇدان ءارى – قاعيدالار) «ءبىلىم تۋرالى» قازاقستان رەسپۋبليكاسى زاڭىنىڭ 5-بابىنىڭ 27) تارماقشاسىنا سايكەس ازىرلەندى جانە وقۋلىقتاردى, وقۋ-ادىستەمەلىك كەشەندەرى مەن وقۋ-ادىستەمەلىك قۇرالداردى دايىنداۋ, ساراپتاۋ, سىناقتان وتكىزۋ, مونيتورينگ جۇرگىزۋ جانە باسىپ شىعارۋ ءتارتىبىن انىقتايدى.
2. وسى قاعيدالاردا كەلەسى ۇعىمدار قولدانىلادى:
1) اۆتور – شىعارماشىلىق ەڭبەگىمەن عىلىم, ادەبيەت, ونەر تۋىندىلارىن, سونىڭ ىشىندە وقۋ جانە/نەمەسە ادىستەمەلىك ماتەريالداردى جاساعان جەكە تۇلعا;
2) اۆتورلىق ۇجىم – سەرىكتەس اۆتورلار رەتىندە جيناقتالعان جەكە تۇلعالار توبى;
3) ادىسكەر – ناقتى وقۋ ءپانىن (وقۋ پاندەرىن) وقىتۋ ادىستەمەسى سالاسىنىڭ مامانى;
4) ازىرلەۋشى – وقۋ ادەبيەتتەرىنىڭ مازمۇنىن جوبالاۋمەن, مازمۇنداۋمەن جانە رەسىمدەۋمەن اينالىساتىن جەكە نەمەسە زاڭدى تۇلعا;
5) باسپا – باسپا ءونىمىن دايىنداۋ مەن باسىپ شىعارۋدى جۇزەگە اسىراتىن كاسىپورىن;
6) جۇمىس بەرۋشى – قىزمەتكەر ەڭبەك قاتىناسىندا تۇرعان جەكە نەمەسە زاڭدى تۇلعا;
7) قاعاز جۇزىندەگى وقۋلىقتىڭ ەلەكتروندىق نۇسقاسى – قۇرىلىمى, مازمۇنى جانە كوركەم بەزەندىرىلۋى وقۋلىقتىڭ باسپا فورماسىنا سايكەس كەلەتىن ەلەكتروندىق باسىلىم;
8) قوسىمشا ادەبيەت – قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتى (بۇدان ءارى – قر مجبس), ۇلگىلىك وقۋ جوسپارلارى مەن ۇلگىلىك وقۋ باعدارلامالارىن ىسكە اسىرۋعا ىقپال ەتەتىن, وقۋلىق پەن وقۋ-ادىستەمەلىك كەشەن جيىنتىعىنا كىرمەيتىن باسىلىم;
9) وقۋ ادەبيەتتەرىنە عىلىمي جانە پەداگوگيكالىق ساراپتاما جاساۋ – وقۋ باسىلىمى مازمۇنىنىڭ قر مجبس تالاپتارىنا, ۇلگىلىك وقۋ جوسپارلارى مەن ۇلگىلىك وقۋ باعدارلامالارىنا, قازىرگى عىلىمي ۇستانىمدارعا, ال ادىستەمەلىك اپپاراتتىڭ ءبىلىم الۋشىلاردى وقىتۋ, تاربيەلەۋ جانە دامىتۋ ماقساتتارىنا, پسيحولوگيالىق-پەداگوگيكالىق عىلىم تالاپتارىنا سايكەستىگىن باعالاۋ;
10) وقۋلىق – وقۋ ءپانىن ء(پاندى) جۇيەلى باياندايتىن, قر مجبس, ۇلگىلىك وقۋ جوسپارىنا جانە ۇلگىلىك وقۋ باعدارلاماسىنا سايكەس كەلەتىن جانە وسى وقۋ باسىلىمىنىڭ ءتۇرى رەتىندە رەسمي بەكىتىلگەن وقۋ باسىلىمىنىڭ ءتۇرى;
11) وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى سىناقتان وتكىزۋ – ءبىلىم بەرۋ ۇيىمدارىنىڭ وقىتۋ پروتسەسىندە وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ پايدالانۋ پراكتيكاسىن كەشەندى زەردەلەۋ;
12) وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار مونيتورينگى – وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى ءبىلىم بەرۋ پروتسەسىنە ەنگىزۋ ناتيجەلەرى جونىندەگى اقپاراتتى جيناقتاۋ, ساقتاۋ, وڭدەۋ جانە تاراتۋ;
13) وقۋ ادەبيەتى – بىلىمدىك, سونىمەن بىرگە رۋحاني-ادامگەرشىلىك جانە تاربيەلەۋ ماقساتتارىنا قول جەتكىزۋگە باعىتتالعان, جەكە جانە (نەمەسە) ولاردىڭ جيىنتىعى بويىنشا بارلىق قابىلدانعان وقۋ باسىلىمدارىنىڭ تۇرلەرىن قامتيتىن ءارتۇرلى ءبىلىم سالاسىنداعى باسپا شىعارمالار;
14) وقۋ-ادىستەمەلىك كەشەن (واك) – ءبىلىم الۋشىنىڭ وقۋ ءپانى (پاندەر) بويىنشا ءبىلىم مازمۇنىن مەڭگەرۋىن قامتاماسىز ەتۋگە باعىتتالعان جانە وقۋلىققا ىلەسپە بولاتىن جەكەلەگەن وقۋ جانە ادىستەمەلىك باسىلىمداردىڭ جيىنتىعى;
15) وقۋ باسىلىمى – ناقتى ءبىلىم بەرۋ (وقۋ) باعدارلاماسى بويىنشا ءبىلىم بەرۋ پروتسەسىندە پايدالانۋعا ارنالعان باسىلىم;
16) وقۋ-ادىستەمەلىك قۇرال (بۇدان ءارى – واق) – وقۋ ءپانىنىڭ جەكە ەلەمەنتتەرىن زەردەلەۋ ماقساتىندا وقۋلىقتى تولىقتىراتىن نەمەسە ءىشىنارا الماستىراتىن جانە وسى وقۋ باسىلىمىنىڭ ءتۇرى رەتىندە رەسمي بەكىتىلگەن, وقۋ پاندەرىنىڭ ء(پانىنىڭ) بولىگىن جۇيەلى بايانداۋدى قامتيتىن وقۋ باسىلىمىنىڭ ءتۇرى;
17) وقۋلىققا ەلەكتروندىق قوسىمشا (بۇدان ءارى – ەق) – مۋلتيمەديالىق ەلەمەنتتەردى, پراكتيكالىق جانە باقىلاۋ جۇمىستارىن قولدانا وتىرىپ, وقۋلىقتىڭ مازمۇنىن كەڭەيتەتىن جانە/نەمەسە تولىقتىراتىن ەلەكتروندىق ينتەراكتيۆتى وقۋ ماتەريالى;
18) پەداگوگ-پراكتيك – پەداگوگيكالىق ءبىلىمى بار, وقۋ-ادىستەمەلىك قىزمەتتىڭ تەحنولوگياسىن ەركىن مەڭگەرگەن, بىرنەشە جىلدار ارالىعىندا كاسىبي قىزمەتتە جوعارى ناتيجەلەرگە قول جەتكىزگەن ءبىلىم بەرۋ ۇيىمىنداعى لاۋازىمدى تۇلعا;
19) ساراپشى – ساراپتاما جۇرگىزۋگە تارتىلاتىن, ءبىلىم بەرۋ, عىلىم, تەحنيكا جانە باسقا دا سالالاردا كەم دەگەندە بەس جىل ەڭبەك ءوتىلى جانە ءتيىستى بىلىكتىلىگى بار جەكە تۇلعا;
20) تۇپنۇسقا-ماكەت – بولاشاق باسىلىمنىڭ ءتيىستى بەتىنە ءار بەتى تولىعىمەن سايكەس كەلەتىن, سىرتقى ەلەمەنتتەرى مەن قۇرىلىمى بويىنشا اياقتالعان كىتاپتىڭ تۇپنۇسقاسى;
21) ۋاكىلەتتى ورگان – قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتى;
22) ەلەكتروندىق جەتكىزگىشتەردەگى وقۋ باسىلىمى – وقىتۋدى اۆتوماتتاندىرۋعا ارنالعان, وقۋ كۋرسىنا سايكەس كەلەتىن جانە وقۋ جۇمىستارىنىڭ ءار الۋان تۇرلەرىن قامتاماسىز ەتەتىن, ساندىق, ماتىندىك, گرافيكالىق, اۋديو, ۆيدەو جانە وزگە اقپاراتتىڭ جيىنتىعى رەتىندە ۇسىنىلعان باسىلىمدار. ەلەكتروندىق باسىلىم ەلەكتروندىق جەتكىزگىشتە ورىندالۋى, سونىمەن بىرگە ينتەرنەت-رەسۋرستاردا ورنالاستىرىلۋى مۇمكىن. ەلەكتروندىق وقۋ باسىلىمدارىنا كەلەسىلەر كىرەدى: ەلەكتروندىق وقۋلىق, ەلەكتروندىق وقۋ قۇرالى, ەلەكتروندىق وقۋ-ادىستەمەلىك كەشەن, ۆيدەو-, اۋديو- ماتەريالدار, ساندىق ءبىلىم بەرۋ رەسۋرستارى, ۆيرتۋالدى زەرتحانالار جانە ت.ب.
2. وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى دايىنداۋ ءتارتىبى
3. وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى دايىنداۋدى ءوز بەتىنشە اۆتور, اۆتورلىق ۇجىم نەمەسە باسپا ۇيىمداستىرادى.
ارنايى ءبىلىم بەرۋگە ارنالعان وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار مەملەكەتتىك تاپسىرىس بويىنشا نەمەسە ازىرلەۋشىنىڭ ەسەبىنەن ازىرلەنەدى جانە باسىپ شىعارىلادى.
4. وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى دايىنداۋ قر مجبس-عا, ءتيىستى ءبىلىم بەرۋ دەڭگەيىنىڭ ۇلگىلىك وقۋ جوسپارلارىنا, وقۋ ءپانى (پاندەرى) بويىنشا ۇلگىلىك وقۋ باعدارلامالارىنا, پسيحولوگيالىق-پەداگوگيكالىق جانە ديداكتيكالىق تالاپتارعا سايكەس جۇزەگە اسىرىلادى.
5. اۆتور, اۆتورلىق ۇجىم وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى دايىنداۋ بويىنشا ءوز قىزمەتىن كەلەسى تالاپتاردى ەسكەرە وتىرىپ جۇزەگە اسىرادى:
1) وقۋ ءپانى (پاندەرى) بويىنشا نەعۇرلىم وزەكتى بىلىمدەردى ەنگىزۋ;
2) ۇسىنىلعان وقۋ جانە ادىستەمەلىك ماتەريالداردىڭ دۇرىستىعى;
3) ءبىلىم الۋشىلاردىڭ جاس, پسيحولوگيالىق جانە فيزيولوگيالىق ەرەكشەلىكتەرى مەن مۇمكىندىكتەرىن ەسەپكە الۋ;
4) وقۋ ماتەريالى مازمۇنىنىڭ كاسىبي باعىتتىلىعى.
6. اۆتور, اۆتورلىق ۇجىم قر مجبس-عا سايكەس ۋاكىلەتتى ورگان ءبىلىم بەرۋ ۇيىمدارىندا پايدالانۋعا رۇقسات ەتكەن باستاۋىش, نەگىزگى ورتا جانە جالپى ورتا ءبىلىم بەرۋ دەڭگەيلەرىنە ارنالعان وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ مازمۇنىن ءاربىر ءتورت جىلدا, ارنايى ءبىلىم بەرۋ ۇيىمدارى ءۇشىن ءاربىر التى جىلدا وڭدەيدى.
3. وقۋلىقتاردى, وقۋ-ادىستەمەلىك كەشەندەر مەن
وقۋ-ادىستەمەلىك قۇرالداردى ساراپتامادان وتكىزۋ ءتارتىبى
7. ۋاكىلەتتى ورگان بارلىق ءبىلىم بەرۋ دەڭگەيلەرىنە ارنالعان وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا عىلىمي جانە پەداگوگيكالىق ساراپتاما بويىنشا تاقىرىپتىق جوسپاردى (بۇدان ءارى – تاقىرىپتىق جوسپار) كەلەسى جىلعا اعىمداعى جىلدىڭ قاراشاسىنا دەيىن بەكىتەدى.
8. «وقۋلىق» ورتالىعى وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا عىلىمي جانە پەداگوگيكالىق ساراپتامانى تاقىرىپتىق جوسپارعا سايكەس جۇرگىزەدى.
9. تاقىرىپتىق جوسپارعا ەنگىزىلگەن وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا, سونىڭ ىشىندە ەلەكتروندىق جەتكىزگىشتەردەگى عىلىمي جانە پەداگوگيكالىق ساراپتاما جاساۋ رەسپۋبليكالىق بيۋدجەت ەسەبىنەن جۇرگىزىلەدى.
تاقىرىپتىق جوسپارعا ەنگىزىلمەگەن وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا, سونىڭ ىشىندە ەلەكتروندىق جەتكىزگىشتەردەگى عىلىمي جانە پەداگوگيكالىق ساراپتاما جاساۋ ازىرلەۋشىنىڭ ەسەبىنەن جۇرگىزىلەدى.
10. وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا, سونىڭ ىشىندە ەلەكتروندىق جەتكىزگىشتەردەگى عىلىمي جانە پەداگوگيكالىق ساراپتاما جاساۋ مەكتەپكە دەيىنگى تاربيە مەن وقىتۋ, باستاۋىش, نەگىزگى ورتا, جالپى ورتا ءبىلىم بەرۋ دەڭگەيلەرىنە عالىمداردى, جوعارى جانە ءبىرىنشى ساناتتى مۇعالىمدەردى جۇمىلدىرا وتىرىپ جاسالادى, تەحنيكالىق جانە كاسىپتىك ءبىلىم بەرۋ ماماندىقتارى بويىنشا عالىمدار مەن تەحنيكالىق جانە كاسىپتىك ءبىلىم بەرۋ ۇيىمدارىنىڭ وقىتۋشىلارى, ءوندىرىس, كاسىپورىن جانە باسقا دا ۇيىم وكىلدەرى تارتىلا وتىرىپ جۇرگىزىلەدى.
جوعارى ءبىلىم بەرۋدىڭ ماماندىقتارىنا ارنالعان وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا ساراپتاما عالىمداردى, جوعارى وقۋ ورىندارىنىڭ وقىتۋشىلارىن, ءوندىرىس, كاسىپورىن جانە باسقا دا ۇيىم وكىلدەرىن جۇمىلدىرا وتىرىپ جاسالادى.
11. ۋاكىلەتتى ورگان وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى ساراپتاماعا قابىلداۋدى مەكتەپكە دەيىنگى تاربيە مەن وقىتۋ, باستاۋىش, نەگىزگى ورتا, جالپى ورتا ءبىلىم بەرۋ دەڭگەيلەرى ءۇشىن اعىمداعى جىلعى قاڭتار مەن مامىر ارالىعىنداعى كەزەڭدە, تەحنيكالىق جانە كاسىپتىك, جوعارى جانە جوعارى وقۋ ورنىنان كەيىنگى ءبىلىم بەرۋ دەڭگەيلەرى ءۇشىن اعىمداعى جىلعى قاڭتار مەن قازان ارالىعىنداعى كەزەڭدە ۇيىمداستىرادى.
12. وقۋ ادەبيەتىنىڭ اۆتورى, اۆتورلىق ۇجىمى, باسپاسى جانە ازىرلەۋشىلەرى ۋاكىلەتتى ورگانعا كەلەسى ماتەريالداردى جىبەرەدى:
1) وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا ساراپتاما جۇرگىزۋ تۋرالى ءوتىنىش;
وتىنىشتە وقۋ ادەبيەتىنىڭ تيتۋل پاراعىنا سايكەس اۆتور(لار)دىڭ اتى-ءجونى مەن تەگى, قر مجببس-داعى (تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ۇلگىلىك وقۋ جوسپارلارى) وقۋ ءپانىنىڭ (پاندەرىنىڭ) اتىنا سايكەس اتاۋى, سىنىبى (كۋرسى), باسىلىم ءتىلى, شىققان جىلى, باسىلعان ورنى كورسەتىلەدى. وتىنىشتە سونىمەن بىرگە جۇرتشىلىقتىڭ كەڭ اۋقىمىنىڭ قول جەتكىزۋى ءۇشىن «وقۋلىق» ورتالىعىنىڭ ينتەرنەت-رەسۋرسىندا قاعاز جۇزىندەگى وقۋلىقتىڭ ەلەكتروندىق نۇسقالارىن ورنالاستىرۋ تۋرالى ءوتىنىشى كورسەتىلەدى («جوبا» بەلگىسىمەن PDF فورماتىندا).
قايتا ازىرلەنگەن وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار ءۇشىن وتىنىشكە ازىرلەۋشىلەر (اۆتورى, اۆتورلىق ۇجىم) تۋرالى مالىمەتتەر جانە بايلانىس تەلەفوندارى قوسا بەرىلەدى.
2) وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى باسۋعا جانە/نەمەسە قايتا باسۋعا اۆتورلىق قۇقىق بەرۋ تۋرالى كەلىسىمشارتتىڭ ارەكەت ەتۋ مەرزىمى مەن ايماعىن, باسىلىم تارالىمىن جانە ت.ب. كورسەتە وتىرىپ, ۇجىمدىق نەگىزدە اۆتورلاردىڭ مەنشىكتىك قۇقىقتارىن باسقاراتىن اۆتورمەن (اۆتورلارمەن) نەمەسە ۇيىممەن جاسالعان كەلىسىمشارتتىڭ كوشىرمەسى;
3) وقۋلىقتىڭ (سونىڭ ىشىندە ونىڭ ەلەكتروندىق نۇسقاسى PDF فورماتتا), واك, واق, ەق تۇپنۇسقا-ماكەتتەرىنىڭ جانە قوراپتا سوڭعى تۇتىنۋشىعا ارنالعان ەلەكتروندىق جەتكىزگىشتەردەگى وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار CD (DVD)-ديسكىنىڭ ءۇش داناسى;
4) تەحنيكالىق جانە كاسىپتىك, جوعارى جانە جوعارى وقۋ ورنىنان كەيىنگى وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار ءۇشىن ءپان بويىنشا وقۋ باعدارلاماسى;
5) وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا تۇسىندىرمە جازبا.
تۇسىندىرمە جازبا قايتا دايىندالعان باسىلىم ءۇشىن نەگىزگى تۇجىرىمدامالىق ويلارىنان, وزەكتىلىك دەڭگەيىن باعالاۋدان, ازىرلەمەنىڭ جاڭاشىلدىعىنان, قر مجبس-نى, ۇلگىلىك وقۋ باعدارلاما تالاپتارىن ىسكە اسىرۋدان, قايتا باسىلعان وقۋ باسىلىمدارى ءۇشىن – اۆتوردىڭ (اۆتورلىق ۇجىمنىڭ) ەنگىزگەن وزگەرىستەرى مەن تولىقتىرۋلارىنان تۇرۋى ءتيىس.
6) ءۇش پىكىر: ءپان بويىنشا پەداگوگ-پراكتيكتىڭ, ءپان بويىنشا ادىسكەردىڭ, عالىمنىڭ.
پىكىردە اۆتوردىڭ ءبىلىم بەرۋ ۇيىمدارىندا ءبىلىم بەرۋ دەڭگەيىنە بايلانىستى وقۋ باسىلىمىنا ءىشىنارا سىناقتان وتكىزۋ ناتيجەلەرى, باسىلىمنىڭ ماقساتتى ارنالۋى كورسەتىلەدى;
7) تەحنيكالىق جانە كاسىپتىك ءبىلىمنىڭ وقۋ باسىلىمدارى ءۇشىن – تەحنيكالىق جانە كاسىپتىك ءبىلىم بەرۋ ۇيىمدارىنىڭ رەسپۋبليكالىق وقۋ-ادىستەمەلىك بىرلەستىك شەشىمىنەن ءۇزىندى, جوعارى جانە جوعارى وقۋ ورنىنان كەيىنگى ءبىلىمنىڭ وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارى ءۇشىن – ماماندىقتاردىڭ توپتارى بويىنشا وقۋ-ادىستەمەلىك بىرلەستىكتىڭ شەشىمىنەن ءۇزىندى;
8) ەلەكتروندىق جەتكىزگىشتەردەگى وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار ءۇشىن – پايدالانۋشىلارعا ارنالعان ورناتۋ جانە باسشىلىققا الۋ نۇسقاۋلىعى ەركىن نىساندا.
13. ۋاكىلەتتى ورگان ۇسىنىلعان ماتەريالداردىڭ تولىقتىعىن وسى قاعيدالاردىڭ 12-تارماعىنا سايكەس انىقتايدى.
ۋاكىلەتتى ورگان بەس كۇنتىزبەلىك كۇن ىشىندە كەلىپ تۇسكەن ماتەريالداردى ساراپتاما جاساۋ ءۇشىن «وقۋلىق» ورتالىعىنا جىبەرەدى.
14. عىلىمي جانە پەداگوگيكالىق ساراپتامانى وتكىزۋ ۋاكىلەتتى ورگاننان «وقۋلىق» ورتالىعى ماتەريالداردى قابىلداعان كۇننەن باستاپ كۇنتىزبەلىك الپىس كۇن ىشىندە ۇيىمداستىرىلادى جانە جۇرگىزىلەدى.
15. وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا عىلىمي جانە پەداگوگيكالىق ساراپتاما وتكىزۋ قر مجبس-عا, ۇلگىلىك وقۋ جوسپارلارى مەن وقۋ باعدارلامالارىنا, عىلىمي جانە ادىستەمەلىك اپپاراتتىڭ – ءبىلىم الۋشىلاردى وقىتۋ, تاربيەلەۋ مەن دامىتۋ ماقساتتارىنا, پسيحولوگيا-پەداگوگيكا عىلىمىنىڭ قازىرگى زامانعى تالاپتارىنا سايكەستىگىن باعالاۋ ماقساتىندا جۇرگىزىلەدى.
وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا, سونىڭ ىشىندە ەلەكتروندىق جەتكىزگىشتەردەگى عىلىمي جانە پەداگوگيكالىق ساراپتاما قر مجبس-عا, ۇلگىلىك وقۋ جوسپارلارى مەن وقۋ باعدارلامالارىنا, واك-ءتىڭ ادىستەمەلىك جانە عىلىمي اپپاراتىنا قويىلاتىن تالاپتارىنا سايكەستىگىن باعالاۋ ماقساتىندا جۇرگىزىلەدى.
وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا عىلىمي جانە پەداگوگيكالىق ساراپتاما تولىقتىعىن قامتاماسىز ەتۋ ماقساتىندا باسپا ۋاكىلەتتى ورگانعا سونىمەن بىرگە ەلەكتروندىق نۇسقادا ۇسىنادى. ساراپتامانى جۇرگىزگەن ۋاقىتتا قاعاز جۇزىندەگى وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ ەلەكتروندىق نۇسقاسى «وقۋلىق» ورتالىعىنىڭ ينتەرنەت-رەسۋرسىندا جۇرتشىلىقتىڭ كەڭ اۋقىمىنىڭ قول جەتىمدىلىگىن قامتاماسىز ەتۋ جانە ەسكەرتۋلەر مەن ۇسىنىستاردى بەرۋ ءۇشىن ورنالاستىرىلادى.
ساراپتاما ناتيجەلەرى بويىنشا ساراپتامالىق شەشىم شىعارىلادى.
16. ساراپتامالىق شەشىم نەگىزىندە «وقۋلىق» ورتالىعى ساراپتاما قورىتىندىسىن دايىندايدى.
ساراپتاما ناتيجەلەرى بويىنشا ساراپتاما قورىتىندىسى كەلەسى تۇجىرىمداردىڭ ءبىرىن قامتۋى كەرەك:
1) باستاۋىش, نەگىزگى ورتا جانە جالپى ورتا ءبىلىم دەڭگەيىنە ارنالعان وقۋلىقتارعا, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارعا, سونىڭ ىشىندە ەلەكتروندىق جەتكىزگىشتەردە:
وڭ ساراپتامالىق شەشىم العان جاعدايدا – «ءبىلىم بەرۋ ۇيىمدارىندا پايدالانۋعا ۇسىنىلادى», قايتا دايىندالعان وقۋ ادەبيەتتەرىنە – «ءبىلىم بەرۋ ۇيىمدارىندا سىناقتان وتكىزۋگە ۇسىنىلادى»;
ساراپتامالىق شەشىمدە جويۋدى قاجەت ەتەتىن ەسكەرتۋلەر بولعان جاعدايدا – «وڭدەۋدى قاجەت ەتەدى», سونىڭ ىشىندە قايتا دايىندالعان وقۋ ادەبيەتتەرى ءۇشىن;
تەرىس ساراپتامالىق شەشىم العان جاعدايدا – «ءبىلىم بەرۋ ۇيىمدارىندا پايدالانۋعا ۇسىنىلمايدى», قايتا دايىندالعان وقۋ ادەبيەتتەرىنە – «ءبىلىم بەرۋ ۇيىمدارىندا سىناقتان وتكىزۋگە ۇسىنىلمايدى»;
2) مەكتەپكە دەيىنگى تاربيە مەن وقىتۋ, تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم دەڭگەيىنىڭ وقۋلىقتارى, وقۋ-ادىستەمەلىك كەشەندەرى مەن وقۋ-ادىستەمەلىك قۇرالدارى ءۇشىن, سونىڭ ىشىندە ەلەكتروندىق جەتكىزگىشتەردە – «ءبىلىم بەرۋ ۇيىمدارىنا پايدالانۋعا ۇسىنىلادى»;
ساراپتامالىق شەشىمدە جويۋدى قاجەت ەتەتىن ەسكەرتۋلەر بولعان جاعدايدا – «وڭدەۋدى قاجەت ەتەدى»;
تەرىس ساراپتامالىق شەشىم العان جاعدايدا – «ءبىلىم بەرۋ ۇيىمدارىنا پايدالانۋعا ۇسىنىلمايدى».
17. ۋاكىلەتتى ورگان اۆتورعا (اۆتورلىق ۇجىمعا) نەمەسە باسپاعا ساراپتاما ناتيجەلەرى تۋرالى حابارلايدى.
18. «وقۋلىق» ورتالىعىنىڭ ساراپتاما قورىتىندىسىنا سايكەس اۆتور (اۆتورلىق ۇجىم) نەمەسە باسپا وڭدەۋدى تالاپ ەتەتىن وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى وڭدەۋدەن كەيىن ۋاكىلەتتى ورگانعا قايتا ساراپتاما وتكىزۋگە ۋاكىلەتتى ورگاننان ساراپتامالىق شەشىمدى العان كۇننەن باستاپ كۇنتىزبەلىك وتىز كۇن ىشىندە ۇسىنىلادى. وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى قايتا ساراپتامادان وتكىزۋگە بايلانىستى بارلىق شىعىستار (مەملەكەتتىك تاپسىرىستان باسقا) اۆتور, اۆتورلىق ۇجىم نەمەسە باسپا ەسەبىنەن وتەلەدى.
ەكىنشى رەت قايتارىلعان نەمەسە ءبىلىم بەرۋ ۇيىمدارىندا پايدالانۋعا ۇسىنىلماعان وقۋ باسىلىمدارى اعىمداعى كۇنتىزبەلىك جىل ىشىندە ساراپتاماعا قابىلدانبايدى.
19. ساراپتاماعا ۇسىنىلعان وقۋ باسىلىمى ازىرلەۋشىگە قايتارىلمايدى.
4. وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى
سىناقتان وتكىزۋ جانە مونيتورينگ جۇرگىزۋ ءتارتىبى
20. قازاقستان رەسپۋبليكاسىنىڭ ءبىلىم جانە عىلىم مينيسترلىگى وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى سىناقتان وتكىزەتىن ءبىلىم بەرۋ ۇيىمدارىنىڭ ءتىزىمىن وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ ازىرلەۋ ءتىلىن جانە ءبىلىم دەڭگەيىن ەسكەرە وتىرىپ قالىپتاستىرادى.
21. وبلىستاردىڭ, الماتى جانە استانا قالالارىنىڭ ءبىلىم باسقارمالارى وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ سىناقتان وتكىزۋ ناتيجەلەرىن «وقۋلىق» ورتالىعىنا ۇسىنادى.
22. «وقۋلىق» ورتالىعى وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ سىناقتان وتكەن ماتەريالدارىنا تالداۋ جاسايدى, رەسپۋبليكالىق كوميسسيا قاراۋىنا تالدامالىق انىقتاما ازىرلەيدى.
23. ۋاكىلەتتى ورگان مەكتەپكە دەيىنگى, باستاۋىش, نەگىزگى ورتا, جالپى ورتا ءبىلىم دەڭگەيلەرى وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ مونيتورينگىن وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ ساپاسىن باعالاۋ مەن ءبىلىم بەرۋ ۇيىمدارىنىڭ وقۋ ادەبيەتتەرىمەن قامتاماسىز ەتىلۋىن تالداۋ ماقساتىندا جۇرگىزىلەدى.
24. وبلىستاردىڭ, استانا جانە الماتى قالالارىنىڭ ءبىلىم باسقارمالارى ۋاكىلەتتى ورگانعا كەلەسى وقۋ جىلىنا تىزبەگە سايكەس تەندەردىڭ ناتيجەلەرى بويىنشا وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى جەتكىزۋ جونىندە مەملەكەتتىك ساتىپ الۋ تۋرالى اقپاراتتى اعىمداعى جىلدىڭ جيىرما بەسىنشى مامىرىنا دەيىن, ال ون بەسىنشى تامىزدان كەشىكتىرمەي باستاۋىش, نەگىزگى ورتا جانە جالپى ورتا ءبىلىم بەرۋ دەڭگەيلەرىنىڭ وقۋلىقتارى, وقۋ-ادىستەمەلىك كەشەندەر مەن وقۋ-ادىستەمەلىك قۇرالدارىمەن قامتاماسىز ەتىلۋ تۋرالى اقپاراتتى ۇسىنادى.
25. ۋاكىلەتتى ورگان وقۋلىقتار مونيتورينگىنىڭ ناتيجەلەرى بويىنشا ءبىلىم بەرۋ ۇيىمدارى تاراپىنان سۇرانىسسىز قالعان وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى تىزبەدەن الىپ تاستاۋ تۋرالى شەشىم قابىلدايدى.
تىزبەدەن الىنىپ تاستالعان وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار تۋرالى اقپارات ۋاكىلەتتى ورگاننىڭ www.edu.gov.kz سايتىندا ورنالاستىرىلادى.
26. قازاقستان رەسپۋبليكاسى ءبىلىم جانە عىلىم مينيسترلىگى وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى ساراپتاما جانە سىناق جۇرگىزۋ ناتيجەلەرىن قاراستىرۋ جونىندەگى رەسپۋبليكالىق كوميسسيانى (بۇدان ءارى – رەسپۋبليكالىق كوميسسيا) قۇرادى.
قازاقستان رەسپۋبليكاسى ءبىلىم جانە عىلىم مينيسترلىگى رەسپۋبليكالىق كوميسسيانىڭ قۇرامىن بۇيرىقپەن ءتورت جىلعا بەكىتەدى.
رەسپۋبليكالىق كوميسسيانىڭ قۇرامىنا وتاندىق ءبىلىم بەرۋدى دامىتۋ بويىنشا جۇمىس تاجىريبەسى بار مەملەكەتتىك, قوعامدىق جانە ۇكىمەتتىك ەمەس ۇيىمداردىڭ, پەداگوگيكالىق جانە عىلىمي قوعامداستىقتىڭ وكىلدەرى كىرەدى.
ۋاكىلەتتى ورگان رەسپۋبليكالىق كوميسسيا جانىنان وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ عىلىمي جانە پەداگوگيكالىق ساراپتاما ناتيجەلەرىن قاراستىراتىن پاندىك كوميسسيالاردى قۇرادى.
پاندىك كوميسسيا قۇرامى ءبىر جىل مەرزىمگە بەكىتىلەدى. ءاربىر پاندىك كوميسسيا قۇرامىنا جەتەكشى, عالىمدار جانە ءپان مۇعالىمدەرىنەن تۇراتىن كوميسسيانىڭ ءتورت مۇشەسى كىرەدى. جەتەكشى رەسپۋبليكالىق كوميسسيا قۇرامىنا كىرەدى.
پاندىك كوميسسيا وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ عىلىمي جانە پەداگوگيكالىق ساراپتاما ناتيجەلەرىن قاراستىرادى.
27. رەسپۋبليكالىق كوميسسيا:
1) قور جيناۋ تسيكلى بويىنشا قايتا باسىلاتىن مەكتەپكە دەيىنگى, باستاۋىش, نەگىزگى ورتا, جالپى ورتا ءبىلىم دەڭگەيىندەگى وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ ساراپتاما جۇرگىزۋ ناتيجەسىن تەكسەرەدى;
2) بارلىق ءبىلىم بەرۋ دەڭگەيىنە ارنالعان وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى دايىنداۋ, ساراپتاۋ, سىناقتان وتكىزۋ, مونيتورينگ جۇرگىزۋ جانە باسىپ شىعارۋ تەتىكتەرىن جەتىلدىرۋ بويىنشا ۇسىنىستاردى دايىندايدى;
3) پاندىك كوميسسيالاردىڭ ۇسىنىستارىن قاراستىرۋ نەگىزىندە قورىتىندى ماجىلىستە وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى وقۋ پروتسەسىندە قولدانۋ بويىنشا كەلەسى شەشىم قابىلدايدى:
«وقۋ پروتسەسىندە پايدالانۋعا ۇسىنىلادى»;
«وقۋ پروتسەسىندە پايدالانۋعا ۇسىنىلمايدى»;
4) ورتا ءبىلىم بەرۋ دەڭگەيىنە ارنالعان قايتا دايىندالعان وقۋلىقتاردىڭ, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردىڭ ءبىلىم بەرۋ ۇيىمدارىنداعى سىناقتان وتكىزۋ ناتيجەلەرىن قاراستىرادى. رەسپۋبليكالىق كوميسسيا سىناقتان وتكىزۋ ماتەريالدارىن قاراۋ نەگىزىندە وقۋلىقتاردى, وقۋ-ادىستەمەلىك كەشەندەر مەن وقۋ-ادىستەمەلىك قۇرالداردى وقۋ پروتسەسىندە پايدالانۋ تۋرالى كەلەسى شەشىم قابىلدايدى:
«وقۋ پروتسەسىندە پايدالانۋعا ۇسىنىلادى»;
«وقۋ پروتسەسىندە پايدالانۋعا ۇسىنىلمايدى».
28. رەسپۋبليكالىق كوميسسيا وتىرىسى جىلىنا ەكى رەتتەن كەم ەمەس وتكىزىلەدى.
وتىرىس رەسپۋبليكالىق كوميسسيا مۇشەلەرىنىڭ جارتىسىنان كوپ بولىگى قاتىسقاندا زاڭدى بولىپ تابىلادى.
رەسپۋبليكالىق كوميسسيا پاندىك كوميسسيالاردىڭ ۇسىنىستارى نەگىزىندە پايدالانۋعا ۇسىنىلعان وقۋ ادەبيەتتەرىنىڭ ءتىزىمىن ءبىلىم بەرۋ ۇيىمدارىندا پايدالانۋعا رۇقسات ەتىلگەن وقۋلىقتاردىڭ, وقۋ-ادىستەمەلىك كەشەندەردىڭ, وقۋ قۇرالدارىنىڭ جانە باسقا دا قوسىمشا ادەبيەتتەردىڭ, ونىڭ ىشىندە ەلەكتروندىق جەتكىزگىشتەردىڭ تىزبەسىن (بۇدان ءارى – تىزبە) ۋاكىلەتتى ورگاننىڭ قاراۋى مەن بەكىتۋىنە ەنگىزەدى.
29. تىزبەگە ءبىر وقۋ ءپانى بويىنشا بەستەن ارتىق ەمەس بالاما وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار ەنگىزىلەدى.
ۋاكىلەتتى ورگانمەن بەكىتىلگەن تىزبە ۋاكىلەتتى ورگاننىڭ www.edu.gov.kz ينتەرنەت-رەسۋرسىندا ورنالاستىرىلادى.
وقۋلىقتاردىڭ ەلەكتروندىق نۇسقاسى ءبىلىم الۋشىلار مەن ءبىلىم بەرۋ ۇيىمدارىن وقۋلىقتارمەن, وقۋ-ادىستەمەلىك كەشەندەر جانە وقۋ-ادىستەمەلىك قۇرالدارمەن قوسىمشا قامتاماسىز ەتۋ ءۇشىن PDF فورماتىندا «وقۋلىق» ورتالىعىنىڭ ينتەرنەت-رەسۋرسىندا ورنالاستىرىلادى.
5. وقۋلىقتاردى, وقۋ-ادىستەمەلىك كەشەندەر مەن قۇرالداردى باسىپ شىعارۋ ءتارتىبى
30. مەكتەپكە دەيىنگى تاربيە مەن وقىتۋ, باستاۋىش, نەگىزگى ورتا جانە جالپى ورتا ءبىلىم بەرۋ ۇيىمدارى ءۇشىن وقۋ ادەبيەتتەرىن باسىپ شىعارۋ تىزبەگە سايكەس جۇزەگە اسىرىلادى.
31. تىزبەگە ەنگەن وقۋلىقتار, وقۋ-ادىستەمەلىك كەشەندەر مەن وقۋ-ادىستەمەلىك قۇرالدار ازىرلەۋشىنىڭ قاراجاتى ەسەبىنەن باسىلىپ شىعارىلادى.
32. ۋاكىلەتتى ورگاننىڭ «ءبىلىم بەرۋ ۇيىمدارىندا پايدالانۋعا رۇقسات ەتىلەدى» دەگەن گريفى مەكتەپكە دەيىنگى, باستاۋىش, نەگىزگى ورتا, جالپى ورتا ءبىلىم بەرۋ دەڭگەيلەرىنىڭ وقۋ ادەبيەتتەرى ءۇشىن كەلەسى ءتورت وقۋ جىلى ىشىندە, ارنايى ءبىلىم بەرۋ ۇيىمدارى ءۇشىن كەلەسى التى وقۋ جىلى ىشىندە قولدانىستا بولادى, تەحنيكالىق جانە كاسىپتىك, جوعارى جانە جوعارى وقۋ ورنىنان كەيىنگى ءبىلىم بەرۋ دەڭگەيلەرىنىڭ وقۋ ادەبيەتتەرى ءۇشىن شەكتەلمەيدى.
33. تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرەتىن ۇيىمدار ءۇشىن وقۋ ادەبيەتتەرىن باسىپ شىعارۋ «وقۋلىق» ورتالىعىنىڭ وڭ ساراپتامالىق شەشىمى نەگىزىندە رەسپۋبليكالىق بيۋدجەتتىڭ, وقۋ ورنىنىڭ نەمەسە اۆتوردىڭ, اۆتورلار ۇجىمىنىڭ نەمەسە باسپانىڭ قاراجاتى ەسەبىنەن جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 5 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11281 بولىپ ەنگىزىلدى.